Luna di September a habri cu hopi entusiasmo pa Ling & Sons su staff y happy shoppers cu e introduccion di e concepto “Hendrickx The Baker” pa e panaderia di mi supermarket local faborito. Pero kico esaki kiermen p’abo como cliente? Wel, aki nos ta papia di no 1 pero 3 forno trahando pan ‘around the clock’. Kere mi cu ora bo yega e porta principal e holo di pan fesco mes lo duna bo un dushi bon bini.
E ‘revamp’ di e panaderia tambe ta encera un introduccion di aproximadamente 130 item total, si si, sin exagera! E producto nan conoci caba a haya un ahuste mas fresco y moderno pa loke ta e receta existente, banda di e variedad grandi di opcion nobo cu a keda introduci manera e seleccion grandi di pan ‘sourdough’.
No a keda mi nada otro di pone man na mi curason y cuminsa mi ‘tasting spree’ cu por cierto a haci’e hopi dificil pa scoge un top 5 entre tanto opcion dushi. Mi opcion nan faborito ta como lo siguiente (sin ningun volgorde en particular):
1. Pepperoni Stokbrood
Prepara bo pa ‘get hooked’!!!! Esaki ta un stok brood integral cu especienan di pepperoni cu ta duna un smaak similar na pizza pero hopi light. Perfecto pa bo acompaña cu un ‘smeerkaas’ di Old Amsterdam of hunta un tiki pesto di Albert Heijn riba dje. 
2. Kaas Bolletje
Scuchami, si e dushi cheeseball nan cu nos ta come na fiesta tabata tin un ruman grandi version pan, esaki t’e!!! E sabor di e opcion aki ta net balansa entre masa y keshi, perfecto pa bo dop e den e ‘Seafood Soup’ cu e buffet di Ling & Sons ta ofrece riba Diabierna. 
Si bo ta manera ami y bo tambe tin dificultad pa come dijs un croissant so, chens ta grandi cu e seleccion mas amplio di croissant fresco lo duna bo mas tentacion cu nunca! Awo bo por scohe entre mini croissant, plain croissant, croissant cu keshi, croissant di ham y keshi, sin laga afo e croissant cu nutella! May The Force Be With Us…
4. Tompoes
E dessert rectangular aki ta asina dushi, y esey ta probablemente pasobra e ta traha completamente ‘from scratch’. Desde e capa nan di e masa estilo cuki, e reyeno, y tambe e capa di ‘icing’. E ta baha asina ‘light’ cu probablemente bo lo come full bo so. 
5. Gevulde Koek
No ta importa con simpel of elabora bo dessert ta, si tin un cos dushi cu mi ta encanta, ta e reyeno di almendra. E cuki aki cu reyeno di almendra ta bin den paki di dos y ta un cos dushi perfecto pa bo comparti, hiba oficina y acompaña hunto cu bo koffie despues di merdia. 
Finalmente, mi no por laga afo e opcion di pan ‘sourdough’ manera esun di ‘spelt’ y como tambe esun ‘batard spelt’. Ambos ta hopi gusta y pidi entre cliente nan cu ta diabetico, ya cu nan tin un indice glicemico abou, pues e impacto riba e nivel di sucu ta minimo compara cu otro tipo di pan. Ademas, e opcion nan aki ta yena den fibra, vitamina B y macronutriente.
Pa mas informacion of pa tira un bista riba tur e opcion nan cu e concepto nobo di “Hendrickx The Baker” ta ofrece den e panaderia di Ling & Sons bo por click aki. https://shop.lingandsons.com/collections/bakery
#thelarissastory #thelarissastory
Sea bo ta un first-time mommy, un mama soltera/experiencia/moderno, e no ta importa con bo ta defini bo mes como mama. Entre varios expresion y comentarionan relaciona cu maternidad lo cual semper ta resalta ta cu esaki no ta un trayecto facil pero si uno cu ta bale la pena. Si abo ta buscando pa trece mas balans den bo bida como mama e tipnan di e blog post aki sigur lo por yuda bo.
I’ve been a loyal customer of the spa at the Hilton Aruba for more than 10 years now. Back in 2015, was when I first got introduced to Eforea Spa, and till this day I’m still scheduling my almost monthly appointments, eagerly awaiting my time to relax and recharge.
Temporada di fin di aña ta pa celebra y ta agradecido pa tur loke e aña a trece. Mescos cu ami tur ora ta wordo consenti pa mi cliente nan, ta dushi pa consenti tambe esunnan cu semper ta comparti nan apoyo incondicional y ‘join’ mi locura nan online. Durante e dianan di fiesta tras di lomba, mi a probecha y ‘brainstorm’ cua ta e miho manera pa bisa boso DANKI y habri 2023 cu un nice surprise. Si bo a yega na e blog post aki, esey kiermen cu bo ta un stap mas serca di mi prome website giveaway!
