Despues di 6 aña di mi prome intento pa crea mi mesun website como parti di mi business, 16 di November porfin mi a lansa larissabermudez.com y celebra esaki den grandi. E tabata un deseo di hopi tempo y apesar di diferente circunstacia of obstaculo den transcurso di aña nan e la bira un realidad! Cu e ‘launch’ recien aki ‘under the belt’, sigur mi tin 6 ‘takeaways’ cu mi kier comparti cubo tocante mi experiencia den e aventura di website aki:
1. Nunca ta laat pa crea of diseña bo mesun ‘lifestyle’ y haci bo soño nan un realidad.
Tanten cu bo ta na bida, nunca ta laat. Esey ta e ‘bottom line’. Si, den mi caso e la tarda mi 6 aña pa bin bek na e proyecto di website y zorg pa e keda completa a pesar di yen obstaculo y tambe inseguridad di mi mesun banda. “Tur cos ta pasa pa un motibo”, tabata e frase cu mas e hende nan serca dimi a bisa mi den e proceso aki. Mi experiencia a comproba un biaha mas cu en realidad e tabata e momento correcto! P’esey mi ta corda bo cu tur lo cual abo ta desea, semper por bira un realidad. Pues, kere den bo mes, confia bo vision, tuma accion te hasta si ta cu ‘babysteps’ pa’dilanti y bo lo logra.
2. Si e lo tabata facil, tur hende lo haci’e.
Si bo no pone di bo banda, traha duru, fiha metanan specifico y traha cu intencion, bo lo sigui haya resultado “na mitar”. Bo deseo, meta y logro nan no ta bay cay f’e shelo. Hopi ta esun nan cu ta mira y kier ta parti di e resultado final, pero masha poco bo ta tende di e ‘struggle’ den e proceso mes pa yega unda cu bo kier yega. Sin laga afo, cu e hende nan corecto rond dibo. Esaki tabata e aña cu mas “test” y dificultad mi a enfrenta den hopi tempo (mayoria mi a enfrenta den silencio) pero tabata e aña cu mi mester a pusha extra duro pa mantene e mentalidad correcto y sali dilanti. Den otro palabra, “How bad do you want it?”. Bo tin cu ‘zet door’ y bay p’e tur cu tin!
Na 2020, mi a wordo acerca pa un compania na Hulanda pa un ‘hosting gig’ y pa motivo di covid esaki no a tuma luga. Sin embargo, e experiencia aki tabata e ‘push’ cu mi tabata tin mester pa: 1. Realisa cu mi NO tabata soña den grandi at all y 2. Kita e stof di e idea “bieu” ey cu mi tabata tin di traha mi mesun website. Desde e temporada ey mi a cuminsa traha riba e texto y contenido di e website riba mi mes. Na Juni di 2021, e domain oficial a keda cumpra. Pa December di e mesun aña mi a conoce, kende awe ta mi developer y mas cu un aña despues full e proyecto aki a keda finalisa. E disapunte di no a logra of tabata por un host un evento den exterior, a ponemi tuma full un “u-turn” cu a hiba mi bek na un meta cu ainda mi tabata falta pa cumpli y cu awe ta un realidad.
4. Pone atencion na e señal nan den bo caminda.
Esaki ta un continuacion di e punto anterior, sea bo ta hopi spiritual of no. Practica mi spiritualidad tabata un di e enseñansa nan di mas importante p’ami den 2022 y cu honestamente a yuda mi ‘zet door’ pa e proyecto aki. Entre mas mi tabata medita y mas mi a fortifica mi relacion cu mi intuicion, mas cla e señal nan rond dimi tabata. For di con mi a yega na mi designer/developer, na demas persona cu e drenta mi caminda pa yuda mi den proceso pa finalisa y lansa mi website. Te hasta con con mi a yega na ‘Boy Ecury Park’ como ‘venue’ pa host un ‘Launch Party’. Absolutamente yun di esaki nan, NO TABATA UN COINCIDENCIA. Lo cual cu mi kier bisa bo cu esaki ta, cualkier hobby, ritual, oracion, practica of “cos” cu bo ta haci pa bo mantene bo mes ‘grounded’ y ‘conecta’, haci’e un prioridad y lo bo cuminsa ripara e señal nan tur rond dibo cu hopi mas claridad, confiansa y esaki lo refleha den bo bida personal y profesional.
5. Confia den e ‘timing’ di bo mesun trayecto.
“Rejection is Redirection”. Si bo tuma e ehempel di punto 3, ora cos no ta cana manera bo kier, confia cu e cambio di direccion eventualmente tambe por yuda bo yega na unda bo tin cu yega. E hecho cu cierto di bo soño nan a tarda of ta tardando pa bira un realidad, no ta kita e balor di bo metanan cumpli. Kizas bo plan nan of decisionnan no ta ‘make sense’ pa otronan, of ainda bo falta pa ‘figure out’ bo caminda. Porta manera nos tur, bo tin miedo nan cu ainda ta domina bo. Un cos mi por sigura bo, BO MOMENTO TAMBE LO YEGA UN DIA, I PROMISE YOU!!! ✨
6. “If you want to go fast, go alone. If you want to go far, go together”.
E proverbio Africano aki ta un di e les nan di mas grandi cu ainda mi ta trahando riba dje. Den mi caso, pa algun aña caba mi ta mas consciente cu mi no por ta un ‘one-woman show’ pa semper. Mi sa cu si en realidad mi kier conkista meta nan mas grandi y bay mas leu den mi carera, mi tin mester di un team. “You lose people, and then you gain some”. Mi a cuminsa siña pa laga los y confia mas den trabou di otro profesional nan. Pidi ayudo den area nan cu no ta di mi experticio, tambe a facilita mi proceso y kita hopi dolor di cabes innecesario. E no ta un caminda facil pa cana, bo por wordo disapunta hopi biaha. Sin embargo, e persona nan indica, na e momento indica semper lo drenta bo caminda.
Finalmente na abo cu ta lesando esaki, danki pa e celebra e logro aki hunto cumi sea en persona of via red nan social. Mi logro, proyecto nan y e website aki mas leu di ta ‘un cos di Larissa’, di curason mi ta desea pa e ta un inspiracion p’abo tambe. Mi kier wak bo gana! Na final di dia, exito ta mas dushi ora nos tur ta logra y por celebra hunto di forma real! Esaki ta dijs algun potret nan di e celebracion di mi ‘Website Launch Party’ na Boy Ecury Park, enjoy!
#thelarissastory #thelarissastory
Sea bo ta un first-time mommy, un mama soltera/experiencia/moderno, e no ta importa con bo ta defini bo mes como mama. Entre varios expresion y comentarionan relaciona cu maternidad lo cual semper ta resalta ta cu esaki no ta un trayecto facil pero si uno cu ta bale la pena. Si abo ta buscando pa trece mas balans den bo bida como mama e tipnan di e blog post aki sigur lo por yuda bo.
I’ve been a loyal customer of the spa at the Hilton Aruba for more than 10 years now. Back in 2015, was when I first got introduced to Eforea Spa, and till this day I’m still scheduling my almost monthly appointments, eagerly awaiting my time to relax and recharge.
Temporada di fin di aña ta pa celebra y ta agradecido pa tur loke e aña a trece. Mescos cu ami tur ora ta wordo consenti pa mi cliente nan, ta dushi pa consenti tambe esunnan cu semper ta comparti nan apoyo incondicional y ‘join’ mi locura nan online. Durante e dianan di fiesta tras di lomba, mi a probecha y ‘brainstorm’ cua ta e miho manera pa bisa boso DANKI y habri 2023 cu un nice surprise. Si bo a yega na e blog post aki, esey kiermen cu bo ta un stap mas serca di mi prome website giveaway!
