Asina facil cu ami, cubo por cuminsa aplica nan awe mes!
Durante mi ultimo bishita na Starbucks Marketplace e luna aki mi a keda sorprendi cu un saco di ‘Grounds for your Garden’ como un bunita regalo. Mesora, mi instincto di kaweta a activa y mi a haci algun pregunta riba e motibo tras di e regalo. E baristanan a ‘spill the tea’ contando mi cu esaki ta un parti di con nan tambe ta celebra ‘Earth Day’.
Pues, durante henter luna di April mientras cu nan ta sigui recolecta e granonan di koffie pa reusa y tin disponibilidad den tur tienda, cada cliente interesa por ricibi un saco regalo. Di e forma aki Starbucks Aruba ta trece mas concientisacion riba e importancia di plantacion, agricultura y medio ambiente.
Sigur un bunita iniciativa pa motiva tur ‘Plant Moms & Dads’ pa reusa e material aki y pone den bon uzo den nan hardin, por ehempel. Sea como ‘fertilizer’, pa ‘compost’ of repelente di insecto.
Ademas, durante luna aki tambe ta pone extra enfasis riba un di e visionnan di Starbucks mundialmente cu ta pa recicla y reduci desperdicio lo mas hopi posibel. Lo cual a hiba mi na e siguiente reflexion: Di ki forma ami mes por ta mas sostenibel cada bes cu mi bishita Starbucks?
Despues di un bon Chai Tea Latte y un rato ta ‘brainstorm’ riba pensamento aki, mi a cay riba e siguiente ideanan pa ta mas sostenibel cada bes mi bishita Starbucks:
Si bo ta amante di bebidanan frieuw, por ehempel e famoso ‘Frappucino’ of un “Iced Coffee”, trece bo mesun pijp/straw reusabel. Awendia bo ta haya esaki nan, di metal, bamboo y colornan hopi bunita. Nan ta facil pa laba y pa carga cubo den bo tas. 🥤
Trece bo ‘tumbler’/copi reusabel preferi y pidi e barista sirbi bo bebida den esaki. Di e forma aki abo tambe ta aporta na reduci e cantidad di cup cu Starbucks ta uza pa dia. 💡
Pa motibonan relaciona cu hygiena y e pandemia, e opcion aki a keda prohibi mientras cu nos tabata navega e olanan di Covid-19. Sin embargo, e aña aki esaki ta posibel un biaha mas!
Na momento di piki napkins of sucu pa completa bo bebida preferi, tuma lo necesario! Ban serio si, bo echt tin mester di un man yen cu 8 napkins y 5 saco di sucu? No toch… 👀
Finalmente, si bo no tin mester di bo recibo, avisa bo cahero(a) of Barista pa nan no imprimi esaki. Asina, bo ta uza menos papel di lo necesario. 😊
Sea cu un acto chikito den bo rutina di tur dia of tumando accion den un forma mas grandi, tin varios manera cu cada un di nos por aporta pa crea habitonan cu ta aporta na nos medio ambiente en general. E parti mas great ta pa mira con negoshinan den nos comunidad manera Starbucks Aruba tambe ta participa y haci esaki un experiencia mas facil pa nos tambe.
Pa mas informacion riba Starbucks Aruba su proyecto di “Grounds for your Garden” y haya sa si ainda tin disponibilidad di saco cu grano di koffie pa plantacion, click aki.
#thelarissastory #thelarissastory
Sea bo ta un first-time mommy, un mama soltera/experiencia/moderno, e no ta importa con bo ta defini bo mes como mama. Entre varios expresion y comentarionan relaciona cu maternidad lo cual semper ta resalta ta cu esaki no ta un trayecto facil pero si uno cu ta bale la pena. Si abo ta buscando pa trece mas balans den bo bida como mama e tipnan di e blog post aki sigur lo por yuda bo.
I’ve been a loyal customer of the spa at the Hilton Aruba for more than 10 years now. Back in 2015, was when I first got introduced to Eforea Spa, and till this day I’m still scheduling my almost monthly appointments, eagerly awaiting my time to relax and recharge.
Temporada di fin di aña ta pa celebra y ta agradecido pa tur loke e aña a trece. Mescos cu ami tur ora ta wordo consenti pa mi cliente nan, ta dushi pa consenti tambe esunnan cu semper ta comparti nan apoyo incondicional y ‘join’ mi locura nan online. Durante e dianan di fiesta tras di lomba, mi a probecha y ‘brainstorm’ cua ta e miho manera pa bisa boso DANKI y habri 2023 cu un nice surprise. Si bo a yega na e blog post aki, esey kiermen cu bo ta un stap mas serca di mi prome website giveaway!
